Euskal ekonomiari buruzko euskarazko aldizkari bakarra

Gipuzkoak langile etorkinen %35 erakartzen du

Langile etorkinen pisua sendotzen ari da Gipuzkoan, denbora pasa ahala. Egoera ekonomikoa hoberantz doan heinean, langile etorkinen kopurua hazten doa. Laneko eta Gizarte Segurantzako Ministerioak emandako uztaileko datuen arabera, 17.471 langile etorkin daude aipatutako herrialdean, iazko uztailean baino %6,5 gehiago. Hazkunde hori Euskal Autonomia Erkidegoan izan den handiena da.
Langile hauen azken joera, aldiz, aldatu egin da. Gehienak Erregimen Orokorrean izena emanda daude, hau da, ez autonomo gisa. Sexuari erreparatuz gero, alde nahikoa dago bien artean: gizonezko 9.000 langile eta emakumezko 8.470 langile.

8.000 langile gehiago Gizarte Segurantzan

Langile etorkin gehienak Errumaniatik –Europar Batasuneko herrialdea– datoz, eta, ondoren, Bolivia eta Maroko daude, hurrenez hurren. Portugaldarrak, txinatarrak eta kolonbiarrak ere asko dira. 2015eko lehenengo zortzi hilabeteetan, Gizarte Segurantzako afiliazioa 8.000 langilean hazi da EAEn; horietatik,
2.500 atzerritarrak dira. Zerbitzuen alorra da jaun eta jabe kolektibo honetan, batez ere, etxeko lanak eta ostalaritza.