Euskal ekonomiari buruzko euskarazko aldizkari bakarra

Siemens Gamesak 312 MW-ko onshore makroeskaera itxi du Brasilen

MAIALEN MUSATADI / 2020-04-21/  Siemens Gamesak kontratu bat sinatu du AESekin, munduko elektrikorik handienetako batekin, Brasilen 52 SG 5.8-170 turbina Tucano parke eolikoan hornitzeko. Parkeak 312 MWko edukiera izango du eta Siemens Gamesa 5.X plataforma berriak orain arte sinatutako eskaerarik handiena da.

Horrela, Siemens Gamesa onshore turbinen azken belaunaldia Brasilen sartu duen lehen fabrikatzailea da. Merkatu horrek 3 GW-ko ahalmen eolikoa kontratatzea aurreikusten du urtero datozen hamar urteetan, Energiaren Plan Nagusiaren (PDE 2029) barruan. 170 metroko errotorearekin – merkatuan dagoen handiena – eta onshore industriako potentzia handienetako batekin,SG 5.8-170 merkatuko energia garbi gehiago sortzeko gai den lurreko aerosorgailua da, kosturik lehiakorrenean.

Bahiako estatuan kokatuta, Tucano parke eolikoa AESek Brasilen duen lehen proiektua izango da, egoitza Virginian (AEB) duen eta 14 herrialdetan lan egiten duen konpainia. Parkea 2021erako martxan jartzea aurreikusten da.

“Azken hamarkadan, Siemens Gamesak Brasilgo merkatuarekin duen konpromiso sendoa erakutsi du, teknologiarik aurreratuena zabalduz eta tokiko ekoizpenean eta lanpostuen sorreran inbertituz. Oso pozik gaude historia arrakastatsu hau eraikitzen jarraitzeaz eta Siemens Gamesa 5.X plataforma mundu osora zabaltzen jarraitzeaz “, adierazi du Alfonso Faubel Siemens Gamesaren Onshore unitateko CEOak.

Brasilen sinatutako kontratu hau Siemens Gamesa 5.X plataformaren bi modeloak (155 eta 170 metroko errotoreak, Suedian) hornitzeko konpainiak sinatu berri dituen bi akordioen ondorio da, eta horrek erakusten du produktu hori merkatu eoliko ezberdinetara egokitzeko gaitasun handia duela.

Siemens Gamesa 5.X plataformaren tokiko ekoizpena

Siemens Gamesak bere hornidura-kate sendoa aprobetxatuko du eta Bahian duen lantegia egokituko du sorgailuen belaunaldi berri hau tokian-tokian ekoizteko, Brasilgo Siemens Gamesa 5.x plataformaren lehiakortasuna areagotuz. 2011n inauguratu zenetik, lantegiak 1.800 nacelle baino gehiago egin ditu, eta duela gutxi handitu egin da bihurgailuak ekoizteko. Gainera, konpainia dorre eta palaz ere hornitzen da Brasilgo merkatuan, eta BNDES FINAME delakoak bere sg 3.4-132 modeloa egiaztatu du.

Brasil munduko zortzigarren elektrizitate kontsumitzailerik handiena da, 210 milioi biztanlerekin. Kontsumo osoaren ia bi heren energia hidroelektrikoaren mende daude gaur egun, eta energia eolikoa oso teknologia osagarritzat jotzen da. Hori bere baliabide eoliko bereziagatik gertatzen da, bereziki urtaro lehorrean. 2009an lehen enkantea egin zenetik, munduan hazkunde azkarrena izan duen merkatu eolikoetako bat izan da herrialdea, eta gaur egun 15 GW baino gehiago ditu instalatuta.