The NPD Group merkatuen ikerketa-enpresaren arabera, jostailuen salmentak % 23 igo dira Estatuan Gabonetako kanpainaren lehen zortzi asteetan, iazko aldi berarekin alderatuta, eta % 15 pandemia aurreko aldi berarekin alderatuz gero.
Urtarriletik irailera bitartean, merkatuak aurrerapen txiki bat izan zuen ( % +2,8koa) 2020aren aldean, eta orduan Estatua zen bere inguruko herrialde handien artean hazten ez zen herrialde bakarra, precovid aldiaren aldean. Hala ere, kanpaina hasi zenetik salmentak % 9 baino gehiago hazi dira urrian, eta % 30 inguru azaroan.
Horrela, urtarriletik azarora bitartean metatutako fakturazioa 2020ko lehen hamaika hilabeteetakoa baino ia % 9 handiagoa da, eta, urteko metatuan lehen aldiz, sektoreak pandemia aurreko negozio-mailak berreskuratu ditu.