BIND 4.0 SME Connectionek startup teknologikoetarako deialdia itxiko du abenduaren 22an. Hamar egun baino ez dira falta interesa dutenek BIND 4.0 berrikuntza irekiko plataformaren ekimen berri honen lehen edizioan izena emateko, beren teknologiak Euskadiko 22 enpresa txiki eta ertain industrialetan ezartzeko. Hautatutako enpresek beren sektoreko erreferentziazko enpresa txiki eta ertainekin batera lan egingo dute, soluzioa ingurune erreal batean garatuko dute, ordaindutako kontratu batekin, eta industriaren erronka berriei erantzungo dien proiektu pilotu bat egingo dute.
Industriaren 12 erronkak
20 enpresa txiki eta ertain berritzailek baino gehiagok, Euskadiko Kluster Sektorialen Erakunde Dinamizatzaileen bitartez (Uptek (AFM), fabrikazio aurreratuko klusterra, Aclima, ingurumen-sektoreko klusterra, Energia Klusterra eta Acicae, automozioko klusterra), 12 erronka sektorial proposatu dituzte guztira, eta hautagaitzek erantzun egin behar diete, beren soluzio teknologiko haustaileak aplikatuz. Erronka horiek ondoen konpontzen dituzten startupen proposamenak BIND 4.0 SME Connection programaren lehen edizio honetan parte hartzeko hautatutakoak izango dira.