Espainiako bankuen errentagarritasuna Europako handienetakoa zen 2021eko hirugarren hiruhilekoan, batez bestekoa baino berankortasun-tasa handixeagoarekin eta kaudimen-maila baxuagoarekin. Europako Banku Agentziak (EBA) astelehen honetan argitaratu duen hiru hilean behingo arrisku-panelaren arabera, laginean hartutako Espainiako bankuen errentagarritasuna % 12,1ekoa izan zen uztaila eta iraila bitartean; orduan, aztertutako 29 herrialdeen batez bestekoa % 7,7koa izan zen.
Batez besteko errentagarritasuna 2020ko hasieran koronabirusaren ondorioak nabaritu zirenetik izan den zifrarik handiena da, eta pandemiaren lehen urtearekin alderatuta sektoreak izandako susperraldi handia agerian uzten du; izan ere, 2020ko laugarren hiruhilekoan % 1,9koa baino ez zen. Eta susperraldi hori are ikusgarriagoa da Espainiaren kasuan, 2020ko urritik abendura errentagarritasuna -%3,9koa izan baitzen.