Gasteizko Mercedes-Benz lantegiak, “Printzipioz”, bere hiru txanden ekoizpen-jarduerari eutsiko dio aste honetako astelehenetik ostiralera bitartean, fabrikako zuzendaritzak iragarri duenez. Halaber, jakinarazi du muntaketa- eta pintura-sektoreek hiru larunbat jarraian lan egin beharko dituztela otsailean (12,19 eta 26 egunetan).

Gasteizko lantegiko arduradunek ohar baten bidez jakinarazi dutenez, lantegirako piezen hornidurari buruzko “ziurgabetasuna” mantentzen da, eta zuzendaritza “ahalegin guztiak” egiten ari da ekoizpen-konpromisoak betetzen jarraitzeko, arazo hori gorabehera.

Testuinguru horretan, jakinarazi da, “Printzipioz” behintzat, datorren asteko astelehenetik ostiralera bitartean lantegiko hiru lan-txandetan mantenduko dela produkzio-jarduera.

Gainera, lantegiko arduradunek iragarri dutenez, “Egungo hornidura faltak datorren otsailean ekoizpen-galerak eragin ditzakeelakoan”, otsailean (12, 19 eta 26an) hiru larunbat jarraian muntaia gordinaren, azken muntaiaren eta pinturaren sektoreetan “lan egiteko beharra” ezartzea erabaki dute.

Egilea Andoni Beitia