Lanbide-Euskal Enplegu Zerbitzuak 16 eta 30 urte bitarteko gazteei administrazio publikoetan eta sektore publikoko erakundeetan lehen esperientzia profesionala emateko programa bat finantzatzeko laguntza-eskabideak aurkezteko epea ireki du. Programak 7,5 milioi euroko zuzkidura du, Europar Batasunak finantzatuta, Berreskuratze, Eraldaketa eta Erresilientzia Planaren esparruan.

Administrazio publikoek urriaren 31ra arte eska ditzaketen diru-laguntzen deialdian jasotzen denez, gazte langabetuen kontratazioa hornituko da, enpleguko lehen esperientziak emanez, bai eta gaitasun eta trebetasun sozial eta profesionalak ere, administrazio horiek emandako zerbitzuen barruan.

Programa Euskal Autonomia Erkidegoko Administrazio Orokorrari, foru-aldundiei, mankomunitateei, kuadrillei eta Euskal Autonomia Erkidegoko udalerriei zuzenduta dago, bai eta autonomia-erkidegoko eta tokiko sektore publiko instituzionala osatzen duten erakunde autonomoei eta gainerako erakundeei ere, baldin eta Estatuko, Autonomia Erkidegoko eta Tokiko Sektore Publikoko Erakundeen Inbentarioan inskribatuta badaude.

Baliabide ekonomikoen zenbatekoa hiru ildotan banatuko da: guztizkoaren % 20 (1.503.265 euro) enplegu berdeen lerrorako izango da; beste % 20 (1.503.265 euro) eskumen digitaletako enpleguen lerrorako izango da; eta gainerako % 60a (4.509.796 euro) enplegu orokorraren lerrorako.

Egilea Andoni Beitia