Lurralde jasangarriak, hiri adimendunak, hiriari aplikatutako teknologia eta berrikuntza… Hirigintza-, arkitektura- eta politika-sektorean gai-zerrendan dauden kontzeptuak dira. Horren erakusgarri dira EBren Hiri Agenda, Espainiakoa, Hiri Agenda Bultzatu 2050, ONU Habitat, eta abar. Izan ere, ikuspegi horretatik lurralde- eta hiri-plangintzari heltzeko duela urte batzuetatik hedatzen ari diren estrategia eta entitateetako batzuk baino ez dira horiek. Testuinguru horretan, TECHfriendly bezalako enpresak sortu dira, zeinak, Barakaldotik eta Bartzelonatik, administrazio publikoei laguntzen baitie estrategia horiek garatzen eta ezartzen, berrikuntzaren, teknologiaren eta hiriaren ikuspegi bizi, kolektibo eta integralaren alde eginez. Sergio Serna TECHfriendlyko sozio-zuzendariarekin hitz egin dugu haien lanaz eta hiriek dituzten erronkez.

Zeintzuk dira gure hirien erronkak gaur egun?

Hiri edo lurralde bat, bere ezaugarri bereziekin; historia, kultura eta tradizioak, geografia, eredu ekonomikoa, banaketa soziala… elementu bizia da, non eraikuntza kolektiboan eragile ezberdinak aurkitzen diren. Adibide argia dira mugikortasun-eredu berriak edo birnaturalizazioaren aldeko apustua; apustu horiek ezin dira ikusi elkarrizketa zentzudunik gabe edo teknologia sartu gabe. Testuinguru horretan, uste dut gaur egun bi erronka nagusitan jarri behar dugula arreta: sozialak eta ingurumenekoak. Gainera, ziur ez direla erronka disoziatuak. Bizi-kalitate handieneko hiriak dira, normalean, ingurumen-politiketan aktiboenak. Erronka horietan osasunaren gaia sartzea ere oso garrantzitsua da, bi alderdien arteko lotura argia baita. Jarduera fisikoa sustatzeko espazio publikoa berreskuratzea adibide garbia da. Hori guztia, sustapen ekonomikoaren eta talentuaren formulazio inteligentea ahaztu gabe. Alde horretatik, teknologia ez da inoiz helburu bat, bitarteko bat da, tresna bat, garrantzitsua, zalantzarik gabe.

Zergatik egin Hiri-Agenden aldeko apustua?

Hiri-plangintza estrategiko integratu baten aldeko apustua egiten dugu. Hiria bere osotasunean ikusten uzten diguna. Hiriaren dimentsio guztiak modu adimentsuan landuko dituen plangintza. Hiri Agendaren eredua gustatzen zaigu, aurretiko plangintzako elementu guztiak biltzen eta integratzen dituelako, eta ondo definitutako 10 helburu estrategiko dituen ekintza-plan batean hedatzetzen dituelako.

Kontzeptu horiei buruz hitz egitea oso ohikoa da sektorean, izan ere, hainbat webinarretan, lantaldetan, mahai-inguruetan, jardunaldietan eta abarretan parte hartzen duzue. Eztabaida herritarrengana hedatzen dela uste duzue?

Eztabaida hori oraindik ingurune espezializatuetan geratzen da. Kasu askotan, herritarrek zuzenean eragiten dion eztabaidan baino ez dute parte hartzen, beren kalean, kiroldegian… Askotan apatia kontu batengatik izaten da, eta beste batzuetan informazio faltagatik. Ahalegin handia egin behar dugu herritarrei epe luzerako begiraden beharra eta hiri-erronken ulermen handiagoa azaltzeko.

Zein proiektu nabarmenduko zenukete?

Zalantzarik gabe, Castellóko proiektua nabarmendu beharko genuke. Hiri honek konpromiso handia du bere hiri-garapeneko ereduarekin. Aldaketa baten beharraz kontziente da, apustu sendoa egin du eta lan handia egiten ari da. Gure laguntza duen aipatzeko beste proiektu handi bat Valentziako hiri-estrategia da, non Berrikuntzaren, Klima Aldaketaren eta Hiri Estrategiaren politikak batzen diren, Europar Batasunak sustatutako misio-politikaren paradigmapean. Gure inguruan egiten ari garen lana ere azpimarratu nahi nuke; Barakaldo, Santurtzi, Sestao edo Ermuak konfiantza dute gugan.

Duela gutxi, ‘Mika.tools’ aurkeztu duzue. Aurreratu dezakezue zerbait tresna berri honi buruz?

Mika gure ‘City Brain’ irtenbidea da, Smart City plataforma proposamen bat, gure apustu estrategikorik erabakigarriena. Mikan bat egiten dute hiria ulertzeko ditugun gaitasunek eta hiri-zerbitzuak eraldatzeko eredu berri baten formulazioak; alegia, gure ingurunea hobetzeko datu eta adierazle konstanteen hornitzaile izan behar duten hiri-zerbitzuak. Eta ez dugu datuak bistaratzeaz edo ‘politak’ jartzeaz bakarrik hitz egiten; Adimen Artifizialeko gaitasunak eta konponbide aurreratuak dituzten elementuetan jarduteaz ari gara.

Bulego bat duzue Bartzelonan, eta hainbat autonomia-erkidegotan gidatu dituzte proiektuak. Nola aurkezten da etorkizuna?

Hedapen handiko prozesu batean gaude eta aurten Valentzia eta Sevillako bulegoak batuko dira. Urtea 50 profesional ingururekin amaituko dugu, eta hiri garapenean eta Smart Cities teknologietan enpresa erreferentea izan nahi dugu. Uste dugu hiri-berrikuntzaren aldeko gure proposamen integralak harrera ona izan duela, eta ilusio handiz gaude. Urte honetatik aurrera, I+G+Bren aldeko apustua sendotzen ari gara, eta ziur gaude euskal administrazioek, hala nola SPRI Taldeak, gure hastapenetan Ekintzaile programarekin lagundu zigutenak, laguntzen jarraituko digutela. Euskadiren ezaugarrietako bat administrazioekin elkarrizketa bat ezartzeko eta entzuna sentitzeko aukera da. Zerbitzu aurreratuetan ere estatuko esparrurik indartsuena garela uste dut, eta horrek guztiok hobetzera behartzen gaitu.

Egilea Andoni Beitia