Gobernuak 2021eko eta 2022ko Estatuko Aurrekontu Orokorretan aurreikusitako Europako Next Generation funtsen kreditu osoaren ia % 60 baimendu du, hau da, 30.000 milioi euro inguru, eta horietatik % 40 autonomia-erkidegoei egindako transferentziak dira.
Nadia Calviño Ekonomia Gaietarako ministroak atzo azaldu zuenez, kopuru hori bat dator, gutxi gorabehera, Europako erakundeei aurtengo bigarren seihilekora arte egindako ordainketa-eskaerekin. Orain arte, Jaurlaritzak 520 deialdi inguru ebatzi ditu Berreskuratze, Eraldaketa eta Erresilientzia Planari lotuta, 8.500 milioi euroko zenbatekoarekin, eta, horiei esker, 11.500 proiektu baino gehiago jarri dira martxan; horietatik 6.000 baino gehiago erkidego guztietako enpresetan egiten ari dira; 1.000 baino gehiago, toki-erakundeetan, eta 2.400 baino gehiago, unibertsitateetan.