Handizkako merkatuan elektrizitatearen batez besteko prezioa % 5,28 igo da gaur atzokoarekin alderatuta, eta megawatt prezioa 202,15 eurotan kokatu da orduko, berriz ere 200 euroko muga gaindituz, lau egunez prezio horren azpitik egon ondoren.

Gaurko elektrizitatearen batez besteko prezioa iazko maiatzeko lehen asteazkenekoa halako bi baino gehiago da, orduan 75,71 eurokoa izan baitzen, baina duela hilabete batekoa baino ia % 20 merkeagoa izango da, orduan 251,87 eurora iritsi baitzen batez beste. Duela bi hilabeterekin alderatuz gero, Ukrainako gerra hasi berritan, eguneko batez besteko prezioa martxoaren 4an izandakoa baino % 40 baxuagoa izango da, orduan 340,7 eurora iritsi baitzen batez beste. Red Electricaren informazio-sistemaren arabera, kontsumitzaile txikiarentzako borondatezko prezioa, merkatu arautuan kontratua duten herritarrek ordaintzen dutena, 272,22 eurokoa izan da batez beste astearte honetan, astelehenean baino % 0,43 gutxiago.

Egilea Andoni Beitia