EIT Manufacturing, EBko kide den eta Donostian egoitza duen Europako manufaktura-industriaren berrikuntza-komunitate handiena, eta ieTeam giza baliabideen aholkularitza-enpresak lankidetza-hitzarmen bat lortu dute industrian berrikuntza sustatzeko.

Atzo jakinarazi zutenez, aliantzak EAEko eta Europako ekonomiarekin lotura handia duten bi erakundeen ezagutzak batu eta partekatu nahi ditu, ekosistema komun bat sortzeko eta aukerak partekatzeko, ekoizpen-sareari prozesu berritzaileetan laguntzeko helburuarekin.

IeTeamek, Donostian ere egoitza duenak, iestart plataforma erabiliko du, proiektu honetan berrikuntza irekiko eta startupei laguntzeko proiektuetan espezializatua. Aholkularitza-enpresak esperientzia handia du giza baliabideen hautaketan eta kudeaketan, eta ekintzailetza sustatzen du Euskadin.

Bestalde, EIT Manufacturing-en xedea da berrikuntzako enpresa-giroa sortzea, Europako industriaren produktu, prozesu eta zerbitzuei “balio bakarra” sortzen laguntzeko, mundu mailako industria iraunkor eta lehiakorra bultzatzeko.

Antoni Pijoan mendebaldeko zuzendariak adierazi zuenez, akordio horrek “aliantza sendo bat sortzea ahalbidetzen du, Europako ikuspegia duen tokiko ekosistema industrialean berrikuntza eta ekintzailetza sustatzen lagunduko duena”.

Bestalde, Iñigo Ugarte ieTeameko zuzendariak adierazi zuenez, akordio honekin “Euskadiko enpresa- eta ekintzaile-sareari egin diezaiokegun baterako balioaren ekarpenean urrats bat harago egingo dugu”.

Egilea Andoni Beitia