Iberdrolak eta Qatarko Inbertsioa Sustatzeko Agentziak (IPA Qatar) akordio bat sinatu zuten atzo berrikuntzan duten aliantza estrategikoa indartzeko. Akordio horren bidez, Espainiako konpainiaren Ikerketa, Garapen eta Berrikuntza (I+G+b) jarduerak zabalduko dira, Dohan egoitza duen Iberdrola Innovation Middle East zentroaren bitartez.
Lankidetza berri horrek “soluzio eta produktu berritzaileak sustatzen lagunduko du sektore publikoan eta pribatuan”. Zentroa Qatarreko Parke Zientifiko eta Teknologikoan dago gaur egun, eta berrikuntzarekin eta digitalizazioarekin lotutako erronka teknologikoetan sakonduko du sare adimendunen, energia berriztagarrien integrazioaren eta eraginkortasun energetikoaren arloetan. Ildo horretan, Iberdrolak adierazi zuen Qatarreko agentziaren ekarpena “funtsezkoa” izango dela herrialdeko hiriburuan kokatutako berrikuntza-plataformaren proiektuak bizkortzeko. Zehazki, Iberdrolak egindako I+G+Bko jarduerak Qatarreko industriaren beharrekin lerrokatzera bideratuko da plataforma, eta tokiko talentua bultzatzeko enpresa eta prestakuntza-zentroekin lankidetzan arituko da.