Jaurlaritzak txikizkako merkataritza diruz lagunduko du

Eusko Jaurlaritzaren Kontseiluak 15 milioi euroko aparteko laguntza “zuzenak” onartuko ditu astearte honetan, Euskadiko hurbileko txikizkako merkataritzari laguntzeko.

Hala iragarri du Javier Hurtado Turismo, Merkataritza eta Kontsumoko sailburuak “oparitu Gasteiz” ekimenaren aurkezpenean. Ekimen horri esker, 30, 50 edo 100 euroko bonua eros daiteke, ondoren 250 saltoki eta ostalaritza- eta zerbitzu-establezimendu baino gehiagotan produktuak edo zerbitzuak erosteko.

Hurtadok iragarritako 15 milioiei Eusko Jaurlaritzak Euskadi Bono Dendaren azken ediziora bideratu dituen 5 milioiak gehitu behar zaizkie; izan ere, aldundien eta udalen ekarpenei esker, guztira 6,4 milioiko aurrekontua du.

Merkataritza bonua ekainaren 2an martxan jarri zenetik 452.00 bonu erosi dira, hau da, eskaintzaren % 73, hau da, 4,2 milioiko ekarpena egin zaio merkataritzari. Kopuru horretatik ia 710.000 euro Arabako merkataritzari dagozkio.