Euskal erakundeek % 50era arte osatuko dituzte gobernu zentralaren laguntzak autonomia-, foru- edo udal-eskumeneko garraio publikoaren tarifetarako, zerbitzu publiko horien kostuaren % 30 ere estaltzen baitute.

Iñaki Arriola Eusko Jaurlaritzako Garraio sailburuak eman du erabakiaren berri, Euskadiko Garraio Agintaritzak ostegun honetan egindako bileraren ostean.

Foro horretan, Eusko Jaurlaritza, foru-aldundiak eta Eudel Euskadiko Udalen Elkartea daude ordezkatuta, eta erabaki da erakunde horiek % 50eraino osatuko dituztela gobernu zentralak autonomia-erkidegoen, foru-aldundien edo udalen eskumeneko garraio publikoaren tarifetarako ematen dituen laguntzak, zerbitzu publiko horien kostuaren % 30 ere estaltzen baitute.

Arriolak azaldu duenez, Eusko Jaurlaritzak erabaki du bere eskumenekoak diren garraio publikoetan “ahalik eta hobaririk handiena” lortzea.

Gainera, aldundiek eta udalek “hobariaren mugara”, hau da, tarifaren % 50era, iristeko “borondate politikoa” dutela adierazi du.

Egilea Andoni Beitia