Eusko Jaurlaritzak 2 milioi bideratuko ditu berrikuntzarako eta merkataritzaren teknologia berrietarako laguntzen deialdira

Eusko Jaurlaritzako Turismo, Merkataritza eta Kontsumo Sailak irailaren 15era arte ireki du Euskadiko Merkataritzako Bulego Teknikoen (OTC) euskarri den programaren eskabideak aurkezteko epea. Programa horrek 2 milioi euro bideratuko ditu Euskal Autonomia Erkidegoko merkataritzaren berrikuntzarekin, kalitatearekin eta teknologia berriekin lotutako prozesuetarako laguntzetara.

Sare horrek 50 bulego tekniko lortzea espero du deialdi honetan. Helburua da kalitatezko aholkularitza ematea txikizkako merkataritza-banaketaren sektore osoari eta haren erakundeei, doan, eta sailetako politikak euskal retailera helaraztea.

Laguntzen zenbatekoak bulegoko zerbitzua estaltzen duen arduraduna urtebetez lanaldi osoz kontratatzeko kostuen % 90 estali ahal izango du gehienez. Nolanahi ere, bulego bakoitzak gehienez ere 40.000 euroko diru-laguntza jasoko du.

Diru-laguntzaren zenbatekoak, estatuko edo nazioarteko beste administrazio publiko edo erakunde pribatu edo publiko batzuen laguntza edo diru-laguntzekin batera, ezin izango du gainditu erakunde onuradunak garatu beharreko jardueraren kostua. Laguntza horiek itzuli beharrik gabeko diru-laguntzak izango dira.

Programaren helburua da berrikuntzarekin, kalitatearekin eta teknologia berriekin lotutako prozesuak bultzatzea, langile kualifikatuen laguntzarekin, eta maila anitzeko lankidetza-estrategiak sustatzea. Zeregina genero-ikuspegiarekin, jasangarritasunarekin eta eraldaketa digitalarekin beteko da.

Onuradunak

Edizio honetan, laguntzen onuradun izateko irizpideak eguneratu dira, elkarte mistoetako merkataritza-establezimenduen ehunekoari eta ezarpen-mailaren egiaztapenari dagokienez, bai eta atxikitako establezimenduen araberako adierazgarritasunari dagokionez ere.

Laguntzak norgehiagokaren bidez ebatziko dira; beraz, edizio honetan, zenbatekoa handitzeaz eta onuradun izan daitezkeenei eskatutako baldintzez gain, sakondu egin da jarduera-ildoen eta proiektuen edukiaren xehetasun zehatzagoa eskatzeko gardentasun handiagoa lortzeko.

Euskal Autonomia Erkidegoko Merkataritzako Bulego Teknikoak “Euskal Autonomia Erkidegoko merkataritza-enpresei laguntzeko aktibo nagusietako bat dira, eta balio erantsi handiko baliabidea dira politika publikoen koordinazioan eta kudeaketan, Jaurlaritzak adierazi duenez.

Ildo horretan, KGEek aholkularitza ematen diote sektoreari beren jarduerak gauzatzean eta lehiakortasuna hobetzean. Beren funtzioa eraginkorragoa da, lan egiten duten hurbiltasunetik.