Paziente diabetikoen bizi-kalitatea hobetzen du Insulclockek

Paziente diabetikoen bizi-itxaropena eta bizi-kalitatea hobetzen espezializatutako konpainia da Insulclock. 2014an jaioa, gaixotasun hori duten pertsonei ematen die zerbitzua. Horretarako, teknologia berritzailea eskaintzen die, diabetesa behar bezala kudeatzeko eta jarraipena egiteko eguneroko bizitzan behar duten informazio guztia emateko.

Eta hori guztia, klik bakar baten eskura: “Badakigu diabetesa konplexua eta kudeatzeko zaila dela; horregatik, gure sistemarekin dena errazagoa da pazienteentzat eguneroko bizitzan”, azaldu dute.

Euskal enpresak asmatutako sistemak hainbat elementu berri ditu, hala nola, glukosari, intsulinari, jarduera fisikoari eta pazientearen elikadurari buruzko datuak erregistratzen dituen app bat, intsulinaren erabili eta botatzeko lumari ainguratzen zaion gailu adimendun bat, pazientearen osasun-egoeraren eguneroko jarraipena denbora errealean monitorizatzeko plataforma bat eta hainbat gluometro. «Pazienteak, besteak beste, calve datuak izan ditzake, injekzioekin lotutako funtsezko informazioa: azken dosiaren ordua eta kopurua, tenperatura edo injekzio-denbora», deskribatu dute proiektuaren arduradunek.

Insulclockek garatutako aplikazioari dagokionez, diabetesa modu erraz eta intuitiboan kudeatzeko datu guztiak ditu. Horrela, glukosa-glukometroa edo glukosa-monitore jarraitua sinkronizatzeko aukera ematen du; txostenak sortzen ditu, profesional sanitarioekin online eta denbora errealean partekatzeko; horrela, gaixotasunaren kontrola hobetzen da, baita emandako intsulina-kantitatea erregistratzeko edo haren kontserbazio-tenperatura kontrolatzeko aukera ere.

Kudeaketa sistema-automatizatuak

Onura horiekin batera, konpainiak sortutako online kudeaketa-sistema automatizatuak intsulinaren erabili eta botatzeko lumaren erabileraren erregistro automatikoa ahalbidetzen du, merkatuan dauden beste luma batzuekin bateragarria den Insulclock gailuarekin, hala nola FlexPen, FlexTouch, Solostar eta KwikPen. Prestazio horiei gehitu behar zaie pazientearen osasun-datuak osasun-zentroarekin partekatzeko aukera, telemedikuntzaren bidez. _and_t = ut_and_gt; fA

Enpresak Beaz Bizkaia, CDTI eta EIT Health erakundeen laguntza du bere proiektua garatzeko. Gainera, konpainiak lankidetza-aliantza bat sinatu du DEXCOM multinazional iparramerikarrarekin, automatikoki partekatzeko nazioarteko enpresa horrek Espainian dituen pazienteen historial kliniko digitala. Mugarri garrantzitsu horrek bultzada ematen dio gure 360º teknologiari. Horrela, erabili eta botatzeko boligrafoen bidez erregistratutako glukosari eta intsulinaren administrazioari buruzko datuak automatikoki partekatu ahal izango dira pazienteen historia kliniko digitalean, sinatutako lankidetza digitalari esker.