Galarkideko langileek urriaren 20tik 26ra arteko grebara joatea erabaki dute, “KPIren araberako soldata-igoera bermatu eta lan-baldintzak hobetuko dituen” enpresa-hitzarmen bat lortzeko.
Galarkide Galar Zendeako kiroldegia kudeatzen duen enpresa publikoa da. Bertan 20 pertsona inguruk lan egiten dute, ELAko ordezkari batek ordezkatuta.
Sindikatu horrek ohar batean kritikatu duenez, “Udalak, enpresa honetako langileek lanaldia, egutegia, baimenak eta abarrei dagokienez kirol-kudeaketako hitzarmeneko lan-baldintzak aplikatzen dituzten bitartean, sektore publikokora mugatu nahi du soldata-igoera ( % 3)”. “Sektore publikokora mugatzen da soldata-igoera, sektore pribatuko gainerako lan-baldintza okerragoei eusten dieten bitartean”, arbuiatu du.
Hala ere, ELAk uste du Udalak hitzarmenaren edukiari buruz egindako proposamena, soldata-igoerarekin zerikusirik ez duena, “positiboa” dela.