Eusko Jaurlaritzak ekainaren 30era arte luzatu ditu auto elektrikoak erosteko eta kargatzeko zutoinak jartzeko dirulaguntzak, Energiaren Euskal Erakundeak iragarri duenez.
Moves III Planaren urteko lehen seihilekorako luzapena bihar, asteartea, argitaratuko da Euskal Herriko Agintaritzaren Aldizkarian.
Europar Batasunak finantzatutako eta Energiaren Euskal Erakundeak Euskadin kudeatutako plan horrek 35 milioi euro aurreikusten ditu ibilgailu elektrikoak erosteko eta 30 milioi kargatzeko azpiegiturak ezartzeko.
Energiaren Euskal Erakundeak 17.400 laguntza-eskaera jaso ditu gaur arte, eta horietatik % 91 ebatzi dira.