Josu Imaz izendatu dute Tubacex taldeko kontseilari delegatu, Jesús Morisen ordez. Berak erabaki du karguari uko egitea, bere proiektuak garatu ahal izateko. Tubacexek ohar baten bidez jakinarazi duenez, Administrazio Kontseiluak aho batez hartu du erabakia.
Josu Imaz industria ingeniaria da Nafarroako Unibertsitatean (Tecnun). Oil & Gas Ampo sektorerako ekipamendu-ondasunen konpainian egin du bere karrera exekutiboa eta industriala 2012ra arte. Azken 13 urteetan CAFeko dibisio nagusiko (Rolling Stock) zuzendari nagusia izan da, eta 2023ra arte Solaris Bus & Coach autobus elektrikoen filialeko presidente exekutiboa ere izan zen.
Garai berria
Josu Imaz apirilaren erdialdean sartuko da karguan, eta ordura arte bere aurrekoak lagunduko dio trantsizio ordenatua ziurtatzeko. Errelebo honekin, Tubacexek etapa berri bati ekingo dio, orain Josu Imazen gidaritzapean, NT2 2027 plan estrategikoaren barruan, zeinak sendotasun finantzarioa, dibertsifikazioa eta hazkunde errentagarria baititu palankatzat. Taldeak gogorarazi duenez, bere helburua munduko lider bihurtzea da energiarako eta mugikortasunerako irtenbide aurreratuetan. Administrazio Kontseiluak eskerrak eman dizkio Jesus Esmorisi egindako lanagatik, Tubacex “energia konbentzionalen eta jasangarrien hainbat sektoretan eta mugikortasunean liderrak diren enpresetako bat izateagatik”.