Proiektua Crowdfunding Bizkaia plataforman jarri zen abian martxoaren 15ean, astelehena, eta ezarritako helburuaren %100a biltzea lortu zuen ordubetean; 160.000 €, alegia. Azkenik, finantziazio-txanda ireki eta 24 ordutara itxi da guztira 185.824,80 € bilduta, hau da, hasieran ezarritako helburuaren %117a. Hala, Crowdfunding Bizkaiaren historiako finantziazio-txandarik azkarrena bihurtu da.
FAZIL, belaunaldi berrien neobankua.
Fazil txartel birtuala eta diru-kontua da, komisiorik eta baldintzarik gabea, gazteek gazteentzat sortua. Ohiko txartelen alternatiba eroso eta segurua da, eta bankuan iraultza eragiteko asmoz iritsi da.
Ez da banku bat, Z belaunaldira iritsi nahi duen neobanku bat da. Ohiko bankak ordezkatzen ez duen belaunaldi bat. Fazilek praktikotasunaren eta azkartasunaren alde egiten du, eguneroko premien zerbitzura dagoen banku baten alde, maximo bati jarraituz: sinple egitea. Oso oso erraz.
Fazilek interfaze erraz eta erakargarria du, eta txartel bat irudikatzen dute, inoiz ez bezala. Txartela % 100 digitala da, eta emojia du, uste baitute dirua eta gastuak administratzeak ez lukeela kontu serio eta zurruna izan behar. Helburua da gazteek beren diruaren kudeaketa modu irekiago, praktikoago eta naturalagoan ulertzea.
Banku digitalaren iraultza suposatzeaz gain, Fazilen ere lurra zaindu nahi dute. Horregatik, eguneroko gastu guztiak mugikorrarekin ordaintzen dituzten erabiltzaileek beren karbono-aztarna konpentsatu ahalko dute. Hiruhilekoan gastatutako 1.000 € bakoitzeko, Fazilek zuhaitz bat landatuko du. Erabiltzaileek zuhaitza geolokalizatzeko aukera izango dute hura bisitatzeko, eta haren hazkundearen argazkiak bidaliko zaizkie hilez hil.
Crowdfunding Bizkaian irekitako inbertsio-txandaren bidez bildutako diruarekin, lan-taldea handitu eta hazi nahi dute, gero eta erabiltzaile gehiagorengana iristeko.
Crowdfunding Bizkaia, administrazio publiko baten lehenengo crowdfunding plataforma da, proiektu eta ideia berritzaileentzako finantziaziorako alternatiba bat izanik.
- Pertsonez osatutako sare bat da, plataformaren bitartez diru-ekarpenak eginez ideia edo proiektu bat babesteko elkarrekin lan egiten dutenak.
- Oso erraza da bai beraien ideiak aurkezten dutenentzako zein beraietan inbertitzen dutenentzako.
- Gardena eta komisio minimo batekin. Proiektu guztiek analisi zorrotz bat gainditu dute.
- Plataformaren kanalen bitartez proiektuen hedapena bultzatzen da.
Abian jarri zenetik, Crowdfunding Bizkaiak lurralde historiko horretan errotutako hainbat proiektu bultzatu ditu eta inbertitzaile potentzialen oinarria handitzen jarraitzen du, ez bakarrik Euskadi mailan, baita estatu mailan ere.