BeDigital-Transforming Industry +Industry-ren esparruan egiten den azoketako bat da BECen, eta etengabe garatzen ari den industria baterako teknologia digital aurreratuenak erakutsiko ditu
Bertan, ‘big data&analytics’, adimen artifiziala, zibersegurtasuna, errealitate areagotua, IoT, ‘blockchain’, hardwarea, softwarea, telekomunikazioak eta 5G, ingeniaritza industriala eta informazioaren teknologiak bezalako sektore gakoak egongo dira ordezkatuta. Gainera, Startup Village ere izango da ekitaldian, enpresa sortu berriei eta sortzen ari direnei laguntzeko diseinatutako gune dinamikoa.
Abangoardiako irtenbide digitalen erakusketa, hitzaldi espezializatuak eta “networking”ari eskainitako guneak konbinatuta, parte-hartzaileek azken joerak ezagutu, harreman estrategikoak egin eta industria-berrikuntzaren buruan egon daitezke.
Era berean, Digital Talks direlakoak ezagutza transferitzeko topagune nagusietako bat izango dira. Hitzaldi eta eztabaida-panelen bidez, estatuko eta nazioarteko adituek gaurkotasuneko gaiak jorratuko dituzte. Era berean, eta beste edizioetan bezala, BeDigitalek Innovation Workshop-ak eskainiko ditu, non enpresa erakusketariek, babesleek eta kolaboratzaileek aurkezpen tekniko laburrak egingo dituzten.