Aholku Batzorde bat sortu dute erreferentziazko enpresekin, beren proiektua bultzatzeko. Moeve, Nalón Innova, Urbaser eta Thales Waste2H2 proiektu europarreko “Advisory Board” berriaren parte izango dira. Proiektu hori CIC energiGUNEk gidatzen du, eta Europako Batzordearen EIC-Pathfinder-Open programak finantzatzen du
CIC energiGUNEk, Waste2H2 Europako proiektua koordinatzen duen erakundeak, ekimen horretarako Aholku Batzorde bat sortuko duela iragarri du. Energiaren, hondakinen balorizazioaren eta ingurumen-kudeaketaren sektorean erreferentzia diren enpresek osatuko dute Aholku Batzordea. Waste2H2ren helburua hondakin plastikoak baloratzeko teknologia bat garatzea da, hidrogeno garbi eta zero emisio garbiko balio erantsi handiko karbono material bihurtu ahal izateko.
“Advisory Board” osatzen duten enpresak Moeve, Nalón Innova, Urbaser eta Thales dira, eta esperientzia emango dute hainbat arlotan, hala nola energia jasangarrian eta hondakinen kudeaketan, karbonoan oinarritutako berrikuntzan eta potentzia handiko mikrouhin/RF teknologietan.
Aholku Batzordeak organo aholku-emaile gisa jardungo du, orientazio estrategikoa eta merkatuaren azterketa emanez eta proiektuaren aurrerapen zientifiko eta teknologikoen eta industriaren eta gizartearen beharren arteko lotura indartuz.
Norabide argia
Waste2H2ren helburu nagusia metodologia disruptibo bat garatzea da, likido ionikoetan oinarritutako sistema katalitiko berritzaileen garapena mikrouhin bidezko irradiazioarekin konbinatzen duena. Horrela, purutasun handiko hidrogeno garbiaren ekoizpen selektiboari atea irekitzen zaio, baita deskarbonizatutako produktu kimiko baliotsuei ere – karbonozko materialak, adibidez, ikatz aktibatua edo karbonozko nanohodiak –, lehengai gisa hondakin plastikoak erabiliz. Horrela, energia garbiaren sorrera bultzatzeaz gain, modu eraginkorrean heltzen zaio hondakin plastikoek ingurumenean sortzen duten kutsadura arazo larriari.
Waste2H2 proiektua CIC energiGUNEk koordinatzen du, eta Friedrich-Alexander-Universität Erlangen-Nürenberg (FAU), Parisko Kimikako Goi Eskola Nazionala (i-CLeHS) eta IoLiTec eta Sener enpresek parte hartzen dute.