Startupak teknologia aurreratuak konbinatzen ditu, tamaina aldakorreko paketeen logistikari soluzio robotiko bat emateko
Zentro logistiko gehienek produktuen % 85 automatizazio tradizionalaren bidez kudeatzen dituzte. Aldiz, gainerako produktuen % 15 eskuz manipulatzen dira, kaxen neurriaren eta pisuaren aldakortasunaren ondorioz. Gaur egun, hala ere, merkatuan ez dago egoera horri helduko dion irtenbiderik, biltegiak aldatuko dituen inbertsio garestirik egin behar izan gabe. Irtenbide gisa, TramoIAk AA duten robot kolaboratiboak garatzen ditu intralogistikaren ingurune konplexuak automatizatzeko, funtsezko prozesuak arinduz, hala nola, eskaerak prestatzeko, kamioiak kargatzeko eta deskargatzeko eta apalak kudeatzeko.
Soluzioaren abantailak eta prozesuak
Beren robot kolaboratiboek eskaintzen dituzten abantailen artean, mugikortasun prozesuak automatizatzeko eta itemak manipulatzeko gaitasuna nabarmentzen da. Kasu honetan, aukera ematen du eskaerak automatikoki prestatzeaz gain, nabigazio autonomo eta segurua egiteko, ingurunearen pertzepzio adimenduna izateko, eta teleoperaziorako eta urrutiko monitorizaziorako.
Startup-aren soluzioek datuak denbora errealean biltzea ahalbidetzen dute, paketeen banaketa eta ‘layout’-a etengabe hobetzeko, eraginkortasun operatiboa handituz eta eskuzko lanarekiko mendekotasuna murriztuz. Hainbat sektoreren automatizazio beharrak asetzen ditu; adibidez, healthcare-a, zeinarentzat sendagaien eta horien horniduren mugikortasuna eta manipulazioa automatizatzen dituen, eta horrek logistika zentroen eta biltegien barne operatiba errazten du.Sektore horrekin batera, TramoIAk retail, e-commerce, elikadura eta industriara bideratzen ditu bere zerbitzuak.
Kokapen estrategikoa
TramoIA Tecnalia zentro teknologikoak, Espainiako ikerketa aplikatuko eta garapen teknologikoko zentrorik handiena, Europan erreferentea eta Basque Research and Technology Alliance -eko kidea, 15 urteetan zehar robotikaren arloan malgutasun industrialerako egindako ikerketaren emaitza da. Era berean, Euskadiko Arrisku Kapitalaren Kudeaketaren laguntza du, Eusko Jaurlaritzak 1985ean sortutako arrisku-kapitaleko erakundeen sozietate kudeatzailea.