Nafarroako Gobernuak gogorarazi du 2025ean Nafarroako hiriburuan, Iruñean, 2.627 alokairu-kontratu formalizatu zirela, eta 2024an, berriz, 2.439; hau da, % 7,7ko igoera, Alokairu Kontratuaren Erregistroaren (RECA) datu ofizialen arabera. Erregistro ofizial horrek alokairuen kopurua eta prezioak zenbatzen dituen bakarra da, eta gaur egun Idealista higiezinen atari pribatuak emandako datuek ez dute inolako zehaztasun estatistikorik, eta Merkatu Gune Tentsionatuen Deklarazioa kritikatzeko ildo politikoan kokatzen dira. Adierazpen horrek herritarrei mesede egiten die, eta kalte egiten die higiezinen sektoreko interes ekonomiko pribatu jakin batzuei.
Begoña Alfaro Nafarroako Gobernuko hirugarren presidenteorde eta Etxebizitza, Gazteria eta Migrazio Politiketako kontseilariak gogorarazi duenez, “Idealista bezalako higiezinen atariek datuak manipulatzea ez da gauza berria, eta Merkatuen eta Lehiaren Batzorde Nazionalak isuna jarri die jada, beren onurarako datuak eta prezioak faltsutzeagatik. Zorionez, Nafarroan alokairu-kontratuen erregistro publiko bat dugu, eta, beraz, datu ofizialak ditugu “.