Eusko Jaurlaritzak 25.800 migratzaile inguru erregularizatuko ditu, “horien % 97 lan egiteko adinean”, Mikel Torres lehendakariorde eta Ekonomia, Lan eta Enplegu sailburuak adierazi duenez.
Hala adierazi du astearte honetan Elkarrizketa Sozialerako Mahaiaren bileraren ostean emandako prentsaurrekoan. Bertan, Espainiako Estatuan atzerritarren ezohiko erregularizazioa ahalbidetuko duen errege-dekretua onartu zenetik Euskadik erregularizatu nahi dituen migratzaileen kopurua adierazi du.
Elkarrizketa Sozialerako Mahaia
Elkarrizketa Sozialerako Mahaiak Eusko Jaurlaritzaren eta gizarte-eragileen arteko lantalde bat sortzea erabaki du, migrazioari dagokionez lan-merkatuaren errealitatea zein den aztertzeko eta “enpresen eta langileen beharrak identifikatzeko, enplegu-politika aktiboen eta lan-migrazioaren kudeaketaren arteko plangintza eta lotura hobetzeko”.
Testuinguru horretan, Torresek adierazi du “migrazioa egiturazko fenomeno bat eta erantzukizunez, zorroztasunez eta etorkizunerako ikuspegiarekin kudeatu beharreko aukera bat” dela, “migrazio prozesu seguruak, ordenatuak eta erregularrak bermatuko dituen eredu baterantz aurrera egiteko, eta lanerako eskubidea migratzaileen integrazioaren funtsezko ardatz gisa kokatzeko, betiere giza eskubideei dagokienez”.