Euskal merkataritzaren salmentak, urteko lehen hiruhilekoan, % 2,4 igo ziren 2025eko aldi berekoen aldean, batez ere ibilgailuen salmenta eta konponketaren sektorearen martxa onagatik, % 6,5eko hazkundea metatu baitzuen.
Hazkunde horrez gain, txikizkako merkataritzak % 3,3 egin zuen gora eta handizkakoak % 1,1, Eustat Euskal Estatistika Erakundeak jakitera eman duenez. Arabako merkataritzaren salmentak % 1,7 hazi ziren, Bizkaikoa % 2,2 eta Gipuzkoakoa % 3,1.
Ekonomiaren martxa ona
Euskal AEko merkataritza-sektoreko langile okupatuak % 0,8 gehitu ziren aurreko urtearen aldean, eta % 0,2 jaitsi iazko azken hiruhilekoarekin alderatuz gero. Aldi hori oso nabarmena izan zen Gabonetako kanpainarekin.
2026ko urtarriletik martxora arteko salmenten igoerarekin, ondoz ondoko zortzi hiruhilekoko igoerak kateatu dira, eta horrek erakusten du barne kontsumoak bultzada eman diola euskal ekonomiaren martxa onari eusteari.