Garay Recubrimientos 1946an Abanto-Zierbenan sortutako enpresa bat da, Beugin Garay Taldearen zati bat.
Korrosioaren aurkako babesean espezializatua, kautxuzko estalduretan soluzio aurreratuak garatzen ditu, gainazal metalikoak korrosiotik eta urraduratik babesteko. “Kautxuzko gure estaldurek industria-osagaien fabrikazioari eta ordezkapenari lotutako higadura, hondakinen sorrera eta karbono-aztarna minimizatzen dituzte. Gainera, beste irtenbide astunago batzuen aurrean, kautxuak abantailak dakartza pisua eta eraginkortasun operatiboa murriztean, eta garraioko eta prozesu industrialeko zenbait aplikaziotan energia eta erregaia aurrezten laguntzen du”, azaldu du Samuel GarcÃa enpresako berrikuntzako zuzendariak.
44 profesional ditu plantillan, eta bezero askorentzat egiten du lan: galdaragintza oso garrantzitsuak, ingeniaritzak, EPC-istak, produktu kimikoen fabrikatzaileak, ongarri- eta meatze-industria, ura tratatzeko enpresak, itsasoko ura gatzgabetzeko enpresak, altzairutegiak, zentral termikoak, errepideko garraio kimikoko konpainiak, besteak beste. Nabarmentzekoa da Beugin Garay Taldea, Bizkaiko egoitza nagusiaz gain, Frantzian, Belgikan, Marokon, Tunisian eta Hegoafrikan dagoela, multinazionalen eremuan lanean.
RECO4SI proiektua
Azken urteotan, Garay Recubrimientos enpresak SPRI Taldearen laguntza izan du hainbat ekimenetarako Hazitek programaren bidez. Horietako bat, RECO4SI proiektua izenekoa, eguzki-panelak fabrikatzeko hondakinetatik silizioa berreskuratzeko erreaktore aurreratu bat garatzean datza. Beste batek, H2 TAL III izenekoak, hidrogeno jasangarria biltegiratzeko tanga bat garatzen eta inplementatzen lan egin du.
“Horrelako programetan parte hartzeak aukera komertzial berriak irekitzea eta bezero potentzialetara iristea ahalbidetzen digu proiekzio handiko sektoreetan, batez ere hidrogenoaren garraioan eta banaketan, hazkunde-itxaropen handiak baitaude”, adierazi du Samuel Garciak. Konpainia onarpen-prozesuan dagoen beste Hazitek proiektu baten parte da, IN2FLOAT, offshore aerosorgailuetan korrosioak eragindako inpaktuen aurkako estaldura bat diseinatu eta instalatzeko.
Etorkizunari begira, Recubrimientos Garayk bi helburu ditu. Bata Latinoamerikan nazioartekotzea bultzatzea da, eta bestea potentzial handiko sektore emergenteen aldeko apustua egitean datza, hidrogenoaren industria kasu, “trantsizio energetikoaren eta garapen industrial iraunkorraren eskaera berriekin lerrokatuz”, Samuel GarcÃak amaitu duenez.