Vesetra duela mende laurden baino gehiagotik ari da amarratzeko eta kargak igotzeko sistemak fabrikatzen, eta nazioarteko ezarpen zabala du, 30 herrialde ingurutan. “Gure produktuak Europa osoan, Erdialdeko Amerikan eta Afrikan daude”, nabarmendu du María Cortijo Vesetrako gerenteak.
Gipuzkoako enpresak eskaintzen dituen produktuen artean, ibilgailuak eramateko amarralekuak, jasotzeko eslingak eta ehunak nahiz kateak lotzeko sistema daude.
Bere produktu-sorta diseinatuta dago “soluzio integral eta pertsonalizatuak eskaintzeko, gure bezeroek kargak maneiatzeko eta garraiatzeko dituzten behar espezifikoetara egokitzen direnak”, adierazi du konpainiaren ordezkariak.
Zortzi langilek osatzen dute lantaldea eta milioi bat euroko fakturazioa du urtean. Gipuzkoako konpainiak “ekoizten ditugun produktuen hobekuntza eta eraginkortasuna” bilatzen du beti, Cortijoren esanetan. Euskal enpresak 250 bezero baino gehiago ditu industrian, garraioetan eta mota guztietako salgaien zamaketan.
Gainera, “sektorean erreferentzia izan nahi du”, gaineratu du kudeatzaileak, eta “bezeroen zorroa handitu nahi du, bai nazio mailan, bai nazioartean”.