Konektagarritasunarekin eta datu-transmisioarekin lotutako teknologiek gero eta garrantzi handiagoa dute Industria 4.0 arloan. Ekoizpen-eremuen beharren edo ezaugarrien arabera, Bluetooth, NFC, RFID, WiFi, 4G, 5G, LoRa, Sigfox eta abarretan oinarritutako soluzioak erabiltzen dira. Hauek dira Skura Mobile Arrasateko kooperatibak erabiltzen dituen teknologietako batzuk: “Mugikorretarako aplikazioak egiten ditugu eta Bluetooth, WiFi, GPS eta abarren bidezko konektibitatean oinarritzen gara. Mugikorraren konektibitatea erabiltzen dugu batez ere industriari zuzendutako aplikazioak egiteko: makina handiak erabiltzeko, ateen sarrailak edo kutxa gotorrak kontrolatzeko edo gailu-periferikoak konektatzeko”.

Adibide horietan, konektibitateak eta informazioa denbora errealean jaso eta bidaltzeko aukerak balio erantsi handia ematen die bezeroei. Skura Mobilek ezarritako beste soluzio batzuk honako hauetan zentratzen dira.

Industria-eremua

Industria-eremuan zentratuz, Gipuzkoako konpainiak inbentarioak egiteko aukera ematen duten app-ak garatu ditu, RFID teknologiari esker, baita biltegietan makina handiak erabiltzeko appak ere. Azken horietan, makinak “ezin dira aurrez aurre kontrolatu, segurtasuna dela-eta, eta gela isolatu batean egon behar dute”.

Skura Mobilek teknologia libreak bultzatzeko eta beste enpresa batzuekin lankidetzan lan egiteko beharra azpimarratzen du. TEKS enpresa kooperatiboen elkartea sortu da, eta teknologia libreen inguruan arreta berezia eskaintzea du helburu. Bere lehen proiektuetako bat, Elhuyar eta Talaiosekin batera, Mycroft garatzea izango da.

Skura Mobileren beste erronka bat gizarteari bere ezagutza eta esperientzia eskaintzea da.

Egilea Admin