Joan den maiatzean 4.364 langabe gutxiago erregistratu ziren Euskadin (-% 3,44) aurreko hilabetean baino, eta, beraz, 122.618 daude langabezian, Lan eta Gizarte Ekonomia Ministerioak eta Eusko Jaurlaritzak asteazken honetan argitaratutako datuen arabera.

Urtetik urterako datuei erreparatuta, 2020ko maiatzean baino 19.097 langabe gutxiago zenbatu dituzte EAEn. Hala ere, 2020ko otsailean baino 5.379 langabe gehiago daude, osasun krisia hasi aurreko azken hilabetean.

Estatuko batez besteko bilakaerarekin alderatuta, Euskadiko langabeziaren jaitsiera, maiatzean, Estatuko batez bestekoa ( % 3,3) baino hamarren bat handiagoa da. Iazkoarekin alderatuta, Galiziarekin batera, Estatuko jaitsiera handiena da ehunekoetan, eta erkidego guztien batez bestekoa % 1,98koa da.

Egilea Andoni Beitia