Elektrizitatea, inoiz baino garestiago

Argindarraren prezioa historiako hiru kotarik altuenetako batean kokatuko da gaur, hilabete honetan izandako gorakadaren ostean. Batez besteko kontsumitzaile batek ordaintzen duen argiaren ordainagiriak % 45,4 egin du gora ekaineko lehen hamabostaldian, iazko epe berarekin alderatuta, Facua kontsumitzaileen elkartearen datuen arabera.

Araututako tarifa elektrikoaren bilakaerari buruz elkarteak egindako kalkuluen arabera, ekainaren 1etik 15era aplikatutako prezioak hilabete oso batera estrapolatuz gero, batez besteko kontsumitzailearen ordainagiriak 27,53 euroko igoera izango luke urtetik urtera, eta hileko 88,11 eurokoa izango litzateke (zergak barne). Horrela, ekaina inoizko bigarren fakturarik garestiena da, 2012ko lehen hiruhilekoko 88,66 euroak baino ez baititu aurretik.

Hamabost egun horietako urte arteko igoera, batez beste, % 45,4 handiagoa da erabiltzailearentzat 2020ko ekainarekin alderatuta, orduan hileko ordainagiria 60,58 eurokoa izan baitzen. Batez besteko erabiltzailearen faktura, 4,4 kW-ko potentzia kontratatua eta 366 kilowatteko kontsumoa hilean, 82,13 eurokoa izan zen maiatzean.