20 enpresak baino gehiagok Sprilurreko lurzorua kontratatu dute

Guztira, 23 enpresak kontratatu dituzte guneak Sprilurren, urteko lehen hiruhilekoan, talde publiko horrek atzo jakinarazi zuenez.

Gipuzkoan, zehazki, hamalau enpresa instalatu dira Bergara, Aretxabaleta, Eibar, Mutriku, Irun, Pasaia eta Tolosako industrialdeetan. Araban, bost enpresak aukeratu dituzte Jundizko (Gasteiz), Aguraingo eta Amurrioko guneak eta lokalak. Bizkaian, lau dira Ortuellako Ballonti industrialdeko pabilioietan kokatu diren enpresak.

Gipuzkoan, nabarmentzekoa da Bergarako Larramendi industrialdean instalatutako espazio baten handitzea. Ekimen berri hori 2020an sortu zen, beste lau enpresak parte hartu ondoren, osasun-babeseko materiala, hornidura eta produktuak fabrikatzeko ildo berri bati ekiteko.

Bestalde, Larramendin ere, kautxuaren eta metalaren euskarri eta osagaiak fabrikatzen dituen beste familia-enpresa batek 5.440 metroko lurzoru urbanizatua duten bi lursail erosi ditu. Gainera, Eibarko Matsaria industrialdean hortzetako euskarriak eta material sanitarioa fabrikatzen dituen enpresa bat dago.

Irunen eta Pasaian sendabelarrak eta estetika-plantak dituzten produktuak fabrikatzen dituzten enpresak, soluzio informatiko eta teknologikoak eta ingeniaritza eta muntaia elektrikoko zerbitzuak instalatu dira. Mutrikun, arrantzatik eratorritako produktuak eraldatzeko enpresa bat.

Gipuzkoa izan da espazioen eskari handiena aurkeztu duena, 12.635 metro koadroko kontratazioarekin.