Caixabankeko zuzendaritzak langileen legezko ordezkariei aurkeztu die Enplegua Erregulatzeko Espedienteari (EEE) buruzko azken proposamena, irteera guztien kopurua 6.452ra jaistea eta horien guztien borondatezkotasuna bermatzea dakarrena.

Mahai gainean dagoen proposamenak negoziazioaren hasieran proposatutakoak baino 1.839 irteera gutxiago aurreikusten ditu, 708 langile taldearen enpresa filialetan birkokatzeari esker, Kataluniako erakundeko iturriek jakitera eman dutenez.

Sindikatuen eskakizun nagusia ere bete da: nahitaezko kaleratzeak kentzea. Hala, zuzendaritzak planari atxikitzeko protokolo zehatz bat proposatu du, irteera guztiak, teorian, borondatez egin daitezen.

Merkataritza-sarean probintziaka eta zerbitzu korporatiboen kasuan eremu funtzionalen arabera finkatutako soberakin-kupoak osatzeko, borondatezko atxikipenerako hainbat fase ezarri dira, bai eta mugikortasun geografikorako eta mugikortasun funtzionalerako neurriak ere.

Bestalde, kaleratze kolektiboarekin borondatez bat egiteko 4.000 eskaera baino gehiago jaso ditu BBVAk, 2.735 kaleratze eta 210 eszedentzia pizgarri, hain zuzen ere.

Egilea Andoni Beitia