Lan-merkatuari buruzko 2021eko bigarren hiruhilekoko datuek adierazten dute EAEn 108.600 langabetu daudela, aurreko hiruhilekoan baino 7.100 gutxiago. Bestalde, landunen kopurua 944.300ekoa da, hau da, 15.100 gehiago aurreko hiruhilekoarekin alderatuta (+% 1,6).

EAEko langabezia-tasa % 10,3koa da, 2021eko lehenengo hiruhilekoan baino ehuneko 0,8 puntu gutxiago (% 11,1). Biztanleria landunaren eta langabearen bilakaeraren ondorioz, jarduera-tasa % 56,3koa da 2021eko bigarren hiruhilekoan, eta ehuneko 0,3 puntu igo da aurreko hiruhilekoarekin alderatuta. Lurraldez lurralde, eta aurreko hiruhilekoaren aldean, Gipuzkoan igo da gehien okupazioa, 6.900 pertsona landun gehiago baitaude.

Egilea Admin