Fogasak 499 euskal langile artatu zituen otsailera arte

Urteko lehen bi hilabeteetan, EAEko 499 langilek jaso zituzten Soldatak Bermatzeko Funtsaren (Fogasa) 4,8 milioi euroko prestazioak. Erakunde hori arduratzen da konkurtsoan dauden edo kaudimenik ez duten enpresetako langileei soldatak eta kalte-ordainak ordaintzeaz. Iaz, aldi berean, 918 langilek jaso zuten laguntza, eta 11,6 milioi euro ordaindu ziren.

Estatuko erakundeak lehen bihilekoan gastatutako kopuru horretatik 1,6 milioi euro soldatak ordaintzeko izan ziren, eta 3,1 milioi euro kalte-ordainetarako, Lan eta Gizarte Ekonomiako Ministerioaren datuen arabera, Europa Pressek jasoak.

Euskadin, Fogasak 206 enpresatako langileak artatu behar izan zituen urteko lehen bi hilabeteetan (180 sozietate 2021eko urtarrila-otsailean). Kaltetuak 319 gizon (3 milioi euro) eta 156 emakume (1,4 milioi euro) izan ziren.